ডিমৌত বানাক্ৰান্ত ৰাইজৰ মাজত সাহায্য বিতৰণ সদৌ অসম কবি সন্মিলনৰ
বৰ্তমান ৰাজ্যৰ চৌদিশে মহামাৰী কৰ'ণা ভাইৰাছে ভয়ংকৰ ৰূপ ধাৰণ কৰাৰ সমান্তৰালভাৱে বানৰ সংহাৰী ৰূপেও জনসাধাৰণক জুৰুলা কৰিছে । শিৱসাগৰ জিলাৰ ডিমৌ ৰাজহচক্ৰৰ অন্তৰ্গত নিতাইপুখুৰী আৰু পানীদিহিং মৌজাৰ বিভিন্ন প্ৰান্তত দিহিং আৰু ব্ৰহ্মপুত্ৰৰ বাঢ়নী পানীয়ে বানাক্ৰান্ত ৰাইজক প্ৰতি মুহূৰ্ততে আতংকিত কৰি আহিছে । দিহিং কলঘৰ অঞ্চলৰ বানাক্ৰান্ত ৰাইজৰ দুখ-দুৰ্দশাৰ বুজ লৈ যোৱা শুক্ৰবাৰে সদৌ অসম কবি সন্মিলনৰ অন্তৰ্ভুক্ত ডিমৌ কবি সন্মিলনে এসাঁজ খাব পৰাকৈ বিভিন্ন খাদ্য-সামগ্ৰী বিতৰণ কৰে । শিৱসাগৰ জিলা কবি সন্মিলনৰ সহকাৰী সম্পাদক তথা ডিমৌ শাখা কবি সন্মিলনৰ সম্পাদক অভিজিত গগৈৰ নেতৃত্বত যোৱা দলটোৱে ডিমৌ কবি সন্মিলনৰ সভাপতি জিতেন নাথ, উপ-সভাপতি মৃণাল ৰঞ্জন গগৈ, সাংবাদিক ইফতিকাৰ ৰহমান, স্থানীয় গাঁওবুঢ়া তীখেশ্বৰ টাৱ, আশাকৰ্মী ৰীণা দাস আৰু স্থানীয় ৰাইজৰ উপস্থিতিত খাদ্য-সামগ্ৰী বিতৰণ কৰে।
ডিমৌৰ পৰা অভিজিত গগৈৰ প্ৰতিবেদন
টাইমলাইন অসম ।।
Comments