যোৰহাটত স্বাস্থ্যমন্ত্রী ড° হিমন্ত বিশ্ব শৰ্মা।

ড° হিমন্ত বিশ্ব শৰ্মাই আজি যোৰহাট চিকিৎসা মহাবিদ্যালয়ত উপস্থিত হৈ কৰ'ণা চিকিৎসাৰ অগ্ৰগতি সম্পৰ্কে বুজ লয়। ইয়াৰ পিছতে ড° শৰ্মাই সংবাদমেল সম্বোধন কৰি এইদৰে কয় যে- যোৰহাটৰ সংক্ৰমণৰ সংখ্যা গুৱাহাটীৰ সমান। অহা আগষ্ট মাহত ৰাজ্যত ৬৫ হাজাৰলৈকে বৃদ্ধি পাব কৰ'ণা ৰোগীৰ সংখ্যা। এই তথ্য দিছে কেন্দ্রীয় চৰকাৰে।আনহাতে, যদিহে কৰ'ণা আক্ৰান্ত লোকৰ ঘৰত সু-ব্যৱস্থা থাকে, অৰ্থাৎ বয়োজ্যেষ্ঠ লোক নাথাকে, আছুতীয়া শৌচালয় থাকে, অক্সিজেনৰ মাত্ৰা কম হ'লে তাৎক্ষণিকভাৱে গাড়ীৰে নিব পৰা সু-ব্যৱস্থা থাকে, তেনেলোকে ইচ্ছা কৰিলে হোম-কোৱাৰেণ্টিনত থাকি চিকিৎসা কৰিব পাৰিব। ইয়াৰ উপৰিও তেখেতে কয়-- কৰ'ণা মহামাৰী শেষ নোহোৱালৈকে অথবা নিয়ন্ত্রণত নহালৈকে কোনোধৰণৰ নতুন নিযুক্তি নহয় আৰু যি ১১ হাজাৰ এল.পি. শিক্ষক পদৰ নিযুক্তি হৈ গৈছিল তেওঁলোকৰ নিযুক্তি হ'ব।

মাজুলীৰ পৰা ৰজনীকান্ত বৰদলৈৰ প্ৰতিবেদন টাইমলাইন অসম।